Мурињо тврди: Нема да трошиме многу ова лето!

Meнаџерот на Манчестер Јунајтед, Жозе Мурињо изјави дека нема да „лудува“ во текот на летниот преоден рок кога се во прашање трансферите.

Мурињо за две години на „Олд Трафорд“ потроши 300 милиони фунти и донесе неколку скапоцени фудбалери.

„Нема да трошиме повеќе од тоа што можеме. Нема да „лудуваме“, но ќе пробаме да го подобриме тимот. Тоа е она што ќе се обидеме да го направиме. Минатата сезона бевме шести, оваа година се надевам дека ќе останеме втори“, истакна Мурињо.

„Следната година ќе пробаме да напредуваме, но ќе видиме што ќе се случи. Можеби Сити ќе вложи огромни средства и нема да им дозволи на другите да им се приближат“, додаде Португалецот.