Мурињо призна: Добив СМС кој ме „спаси“

Менаџерот на Манчестер Јунајтед, Жозе Мурињо после победата над Њукасл (3:2) откри дека челните луѓе на клубот му дале поддршка пред натпреварот.

„Црвените ѓаволи“ успеаа да дојдат до трите бода во „инфаркт“ завршница откако до 70-та минута губеа со 2:0. Сепак, за дваеет минути успеаа да постигнат три гола.

Медиумите на Островот пишуваат дека Мурињо е пред отказ, а Португалецот откри дека и самиот мислел дека ќе биде отпуштен се додека не добил една СМС порака.

„Сите кои ги прочитаа весниците мислеа дека ќе бидам отпуштен, но за среќа пред мечот добива СМС од менаџментот на клубот кој ми рече да не обрнувам внимание на шпекулациите. Доколку не се случеше тоа и самиот ќе мислев дека ќе добијам отказ“, призна Мурињо,

И покрај се англиските медиуми тврдат дека деновите на Мурињо на „Олд Трафорд“ се избројани и дека Зидан е веќе на „стендбај“.