Мурињо најде замена за Џеко

Ова лето Един Џеко готово сигурно ќе ја напушти Рома, па приоритет на клубот ќе биде доведување на нов напаѓач.

„Волчицата“ веќе бара замена за 35-годишниот напаѓач, а прва мета е ѕвездата на Бенфика, Дарвин Нуњес.

21-годишниот уругвајски репрезентативец игра одлично, но во договорот има откупна клаузула од 150 милиони евра, а Бенфика сигурно нема да сака лесно да се откаже од него.

Бенфика во септември за потписот на Нуњес плати 24 милиони евра, па Рома сигурно ќе треба да понуди најмалку 40 милиони евра за неговиот потпис.

Мурињо веќе подолго време го следи голгетерот на Бенфика и смета дека ќе биде идеален за неговиот стил на игра.