„Мундо Депортиво“ тврди: Барса проблемите во одбраната ги решава со 34 годишниот Србин!

Каталонскиот медиум „Мундо Депортиво“ кој е близок на Барселона тврди дека постојат шанси српскиот репрезентативец, Бранислав Ивановиќ во јануари да се пресели на „Камп Ноу“.

Иако Ивановиќ има 34 години и се наоѓа пред крајот на кариерата во Барселона наводно веруваат дека се уште има квалитет да игра на највисоко ниво и да ги покрие „дупките“ кои настанаа со повредите на Умтити и Вермален. Освен тоа Жерар Пике ја игра веројатно најлошата сезона од кога го носи дресот на Барселона.

„Мундо Депортиво“ тврди дека Ивановиќ за Барса во овој момент изгледа како идеален избор. Неговиот договор со Зенит истекува на лето и не би бил премногу скап, искусен е и знае како се играат големи натпревари.

? • #MD • 16/10/18

Opération défenseur central ACTIVE

• Les pistes sont Branislav Ivanović (Zénith) ; Jorge Cuenca (Barça B) et Sergio Busquets repositionné.

• Avec Vermaelen 'KO' 6 semaines, le club cherche un défenseur central pour le mercato hivernal. pic.twitter.com/YlfI30ShEC

— FranciaFCB ?? (@FranciaFCB) October 16, 2018

Треба да се потсети и дека Барселона и пред две години се обидуваше да го доведе Ивановиќ, додека тој беше член на Челзи, но тогаш Србинот одлучи да се пресели во Русија.

Ивановиќ во кариерата настапуваше за Срем, ОФК Белград, Локомотив Москва, Челзи и Зенит. Најдобрите денови од кариерата ги помина во Лондон, а за девет години поминати на „Стенфорд Бриџ“, освои три титули во Премиер лигата, три трофеи во ФА Купот, а триумфираше и во Лигата на шампионите.

За репрезентацијата на Србија одигра 105 натпревари и постигна 13 погодоци.

https://youtu.be/kkDJz3ibRP8