Mладиот германски репрезентативец, Јусуфа Мукоко ги осуди расистичките навреди упатени кон него и Џесик Нганкаму откако двајцата промашија пенали во вчерашниот натпревар против Израел на Европското првенство до 21 година кој заврши 1:1.
„Ако победиме сме Германци, когаќ е ќе изгубиме тогаш не нарекуваат мајмуни. Џесик беше навредуван, јас бев навредуван…Таквите работи едноставно не се добри за фудбалот“, изјави 18-годишниот Мукоко кој е роден во Камерун, а е член на Борусија Дортмунд.
Данска vs. Македонија: Како тие се справуваат со отпадот, додека ние се расправаме кој е крив?
„Не промашуваме намерно, се обидуваме да помогнеме на екипата. Кога ќе добиете такви пораки, тоа е одвратно“, истакна Мукоко кој не се сретна првпат со расистички испади насочени кон него и соиграчите.
Во одбрана на своите играчите застана и селекторот на Германија, Антонио Ди Салво.
„Мора да постои казна. Ова е апсурдно. Тоа се момци кои сакаат да играат за Германија, кои се Германци и кои даваат се за оваа земја. Било каков расизам и дискриминација е навистинса ниско ниво, тоа не е прифатливо“, изјави Ди Салво.
Учество во игри на среќа е дозволено за лица со 18+ години. Играј одговорно!