Мората сака назад во Јуве, Реал размислува за трампа!

Алваро Мората наводно е незадоволен од својот статус во Реал Мадрид и сака да се врати во Јувентус, каде се етаблираше како напаѓач од светска класа.

Италијанските медиуми пренесуваат дека трансферот би можел да се актуелизира следното лето кога Марио Манџукиќ најверојатно ќе ја напушти „старата дама“.

Мората не е стандарден во Реал Мадрид, се бори со Бензема за место во тимот, а неговата минутажа може додатно да се намали следното лето, бидејќи „кралевите“ сакаат да купат уште еден напаѓач.

„Кралевите“ сакаат да ја искористат ваквата ситуација и да договорат трампа со Јувентус, бидејќи голема желба на Флорентино Перез е Пауло Дибала.

Сепак, „бјанконерите“ не сакаат да се откажат од Аргентинецот, но сигурно ќе се обидат да го вратат Мората следното лето во Торино.