Морант ѕвезда на вечерта во НБА – со 52 поени ги сруши Спарс! 🎥

Изминатата ноќ во НБА лигата се одиграа седум натпревари, а во центарот на вниманието беше Џа Морант.

Мемфис пред домашната публика славеше против Сан Антонио со 118:105. Најзаслужен за победата беше Морант кој постигна 52 поени и уште подели две асистенции и запиша седум скока. Од линијата за три поени имаше 4/4.

Посебен момент за издвојување е неговото забивање преку центарот на Спарс висок 216 сантиметри. Морант е висок 191 сантиметар.

Ja Morant is something “Spesha™️” man. He’s MUST SEE TV. Jacob Poeltl is 7’1” pic.twitter.com/xn13yU9VQd

— BEAN 🏁🏁🏁 (@MGRADS) March 1, 2022

Со ова тој го подобри својот рекорд за седум поени, претходниот рекорд го постави во саботата против Чикаго. Зад него следуваше Мелтон со 16 поени, додека Валкер на спротивната страна постигна 22 поени.

Тимот на Мемфис во овој момент се наоѓа на третото место на Западната конференција, пред нив се само Голден Стејт и Феникс.

НБА РЕЗУЛТАТИ: Кливленд – Минесота 122-127, Орландо – Индијана 119-103, Бруклин – Торонто 97-133, Мајами – Чикаго 112-99, Мемфис – Сан Антонио 118-105, Милвоки – Шарлот 130-106, Оклахома – Сакраменто 110-131.