Монтела: Загубата на Монтоливо е ненадоместлива!

Винченцо Монтела добро ја започна авантурата во Милан и со „росонерите“ има добар старт на сезоната со оглед на квалитетот на тимот со кој располага.

Меѓутоа, голем удар за „росонерите“ ќе биде загубата на Монтоливо, кој според Монтела е незаменлив во тимот на Милан.

„Монтоливо е незаменлив во нашиот тим. Тој е наш капитен и многу е важен и на теренот и во соблекувалата. Неговота повреда не направи тажни сите, бидејќи беше во одлична форма и еден од најважните играчи во тимот“, истакна Монтела.

„Во тимот немаме друг фудбалер со такви карактеристики, па ќе мора да донесеме негова замена во јануари. Имам голема доверба во Локатели, но тој е премногу млад и не сака да ставам голем притисок врз него“, додаде Монтела.