Капитенот на фудбалската репрезентација на Хрватска, Лука Модриќ истакна денес дека Данска е цврст и незгоден противник, но истакна дека и неговиот тим има голема самодоверба пред мечот од осминафиналето на Мундијалот.
„Нивната статистика покажува колку се цврсти, посебно во одбранбениот дел. Мораме да бидеме на високо ниво. Играме против цврста и незгодна екипа. Имаме голем респект кон нив, но и голема самодоверба“, истакна Модриќ, пренесува агенцијата „Хина“.
Диск голф го освојува светот, а го нема во Македонија!? ↓↓↓
Фудбалерите на Хрватска ќе се сретнат со селекцијата на Данска во осминафиналето на СП во Русија.
Данците се надеваат дека нивниот главен играч, Кристијан Ериксен ќе биде клучниот играч на нивната страна. Веќе со денови медиумите го најавуваат судирот на фудбалерот на Тотенхем и капитенот на Хрватска.
„Не сакам да ги споредувам играчите, а уште помалку да ги споредувам со мене. Ериксен е светска класа. Имаше феноменална сезона и сигурно е дека е нивни најдобар и најважен играч. Меѓутоа, екипата одлучува, а не поединецот“, истакна Модриќ.
Учество во игри на среќа е дозволено за лица со 18+ години. Играј одговорно!