Модриќ главна тема: Спалети го чека, Лопетеги не го дава!

Иднината на Лука Модриќ е главна тема во спотските медиуми бидејќи се погласни се шпекулациите дека може да се пресели во Интер ова лето.

На оваа тема проговорија и тренерите на Интер и Реал Мадрид, Спалети и Лопетеги. Едниот сонува да го види во Милано, другиот го чека со раширени раце во Мадрид.

„Остануваат уште две недели од трансфер пазарот, Модриќ е еден од најдобрите фудбалери на светот и нормално дека би сакал да го имам во тимот. Јас сонувам исто како и фановите. Ќе видиме што ќе се случи“, изјави Спалети.

Лопетеги пак истакна дека веќе разговарал со Хрватот и е сигирен дека ќе остане во Реал Мадрид.

„Претседателот кажа се, нема што да се додаде, го чекаше Лука со раширени раце. Разговарав со Модиќ, ќе се видиме кога ќе се врати на 8-ми август и ќе видиме дали ќе биде спремен за првиот меч на 15-ти. Јас уживам во играта на Лука, а мислам дека и тој ќе биде среќен. Немам сомнеж дека ќе остане во Мадрид“, изјави Лопетеги.