Младиот Бразилец на Реал доби бизарен црвен картон за резервниот тим и ќе го пропушти „Ел Класико“ (ВИДЕО)

Младиот бразилски фудбалер Родриго пред почетокот на оваа сеозна пристигна во Реал Мадрид од Сантос за 45 милиони евра.

Овој 19 годишен офанзивец имаше солидна минутажа во првиот дел од сезоната, но потоа се „изгуби“ во ростерот на „кралевите“. Родриго оваа сезона за Реал одигра 18 натпревари и постигна седум голови.

Меѓутоа во последно време го немаше во екипата на Зинедин Зидан што беше изненадување за многумина. Бразилецот ја одржува формата во резервниот тим на Реал Мадрид.

Родриго требаше да се врати во составот за „Ел Класико“ откако се повреди Азар, но тоа нема да се случи бидејќи доби бизарен црвен картон играјќи за Кастиља.

Тоа се случи во натпреварот против СС Рејес кога Родриго постигна гол после еден соло продор. Откако ја погоди мрежата Бразилецот го провоцираше голманот на противничкиот тим, па поради тоа доби исклучување.

Правилата се такви што еден играч не може да игра за првиот тим ако добие црвен картон во резервната екипа.

Rodrygo solo goal with Castilla and being sent off after responding to goalie provocation (goalie didn’t get a yellow)pic.twitter.com/mySTllDrdG

— RM Play ▶️ (@RMPIay) February 23, 2020