Михајловиќ го игра најважниот натпревар за неговиот живот

Синиша Михајловиќ се наоѓа во клучна фаза од лекувањето во болницата „Света Урсула“ во Болоња и медиумите пренесуваат дека ова клучен дел од битката со леукемијата.

Српскиот тренер два пати беше во болница за да прими хемотерапија, а сега пред него е уште еден циклус, за кој се тврди дека ќе биде и најважен.

„Ова е најчувствителниот и најважниот дел за неговот лечење“, откриваат медиумите и додаваат дека тоа е причината поради која Синиша нема да може физички да биде присутен во својата екипа.

Тој би требало да остане околу шест недели во болница, поради што не може да ја води Болоња од клупата и тоа ќе го направат членовите на неговиот стручен штаб.