Милан тргнува по Гундоган

Играчот за врска на Манчестер Сити, Илкај Гундоган би можел кариерата да ја продолжи во Милан, пренесуваат италијанските медиуми.

Гундоган влезе во последната година од договорот со „граѓаните“, а неодамна се појавија информации дека сака ова лето да ја промени средината.

Германскиот фудбалер со турско потекло оваа сезона одигра 43 натпревари на кои постигна 10 голови и подели шест асистенции, но често е на клупата за резерви.

Милан е во потрага по квалитетен играч за врска и првата желба е Ренато Санчез, но трансферот се искомплицира бидејќи во трката за Португалецот се приклучи и ПСЖ.

Поради тоа Милан сега ќе се насочи кон Гундоган и „росонерите“ веќе стапиле во контакт со агентот на Германецот, а трансферот би трабало изнесува околу 20 милиони евра.

📰 @PianetaMilan: #ACMilan's Renato Sanches alternative could be #MCFC's Gundoganhttps://t.co/64jKCWooKy #SempreMilan

— SempreMilan 🏆 (@SempreMilanCom) June 23, 2022