Милан „полуде“ – Одличниот дефанзивец наскоро „росонер“!

Хакан Чалханоглу денес пристигна во Милано на лекарски прегледи, но тоа не е се.

Како што пренесуваат бројни италијански медиуми, веднаш после него ќе пристигне и одличниот дефанзивец од Аталанта, Андреа Конти.

Тој во наредните денови се очекува да го облече дресот на „росонерите“. Милан за неговиот трансфер на Аталанта ќе и плати 20 милиони евра со одредени бонуси.

Иначе, Конти е дефанзивецот со најманогу постигнати погодоци во најдобрите пет лиги, тој во изминатата сезона постигна осум погодоци.

Пред Конти и Чалханоглу во Милано пристигнаа: Франк Кеси (Аталанта), Матео Мусакио (Виљареал), Рикардо Родригез (Волфсбург), Андре Силва (Порто) и Фабио Борини (Сандерленд).