Милан нуди 30 милиони за откуп на Ребиќ

Италијанските медиуми пренесуваат дека Милан донел одлука да го откупи Анте Ребиќ на крајот на сезоната.

Хрватскиот репрезентативец пристигна минатото лето на двегодишна позајмица од Ајнтрахт Франкфурт, а Милан во замена го испрати Андре Силва во Германија.

Двата трансфери се разделени, па Милан ќе има шанса да го откупи Ребиќ, без разлика на трансферот на Португалецот.

Ребиќ во последно време се претвори во клучен играч за „росонерите“, па клубот започнал преговори со Ајнтрахт, открива „Газета дело Спорт“.

За перменентниот трансфер на Хрватот, Милан е спремен да плати 30 милиони евра, сума која најверојатно ќе ги задоволи апетитите на германскиот клуб.