Милан не запира: Новo засилувањe на Сан Сиро

Како што претходно објавија европските медиуми, Самуел Чуквуезе е новиот фудбалер на Милан.

Нигерискиот фудбалер Самуел Чуквуезе е нов играч на Милан, потврди трансфер гуруто Фабрицио Романо.

Милан ќе му плати на Виљареал 20 милиони евра како обештетување, а тоа може да се зголеми на 28 милиони евра преку разни бонуси.

Нигериецот ќе потпише договор со италијанскиот гигант на пет години, односно до летото 2028 година.

Нигериецот целата своја кариера ја помина во Шпанија. Така, во првите две сезони како професионален играч, Чуквуезe одигра 20 натпревари за вториот тим на „Жолтата подморница“, за кои постигна 4 гола и даде 2 асистенции, а подоцна собра 207 натпревари за првиот тим на Виљареал, постигнувајќи 21 гол и забележа 31 асистенција.

Чуквуезе минатата сезона одигра 50 натпревари за Виљареал во сите натпреварувања и постигна 13 гола и даде 12 асистенции за клубот.

За репрезентацијата на Нигерија, во која дебитираше на 20 ноември 2018 година, Чуквуезе настапи на 28 натпревари и постигна 4 гола.

Самуел Чуквуезе нормално може да игра на двете страни од нападот, но и како централен напаѓач, а со тоа тимот на Милан ќе добие вистински универзалец.

Samuel Chukwueze to AC Milan, here we go! Documents are being exchanged and checked between AC Milan and Villarreal 🚨🔴⚫️ #ACMilan

Chukwueze will sign the contract this week — valid until June 2028.

Fee around €20m plus €8m add ons.

Medical booked later this week. pic.twitter.com/oyAouFpB95

— Fabrizio Romano (@FabrizioRomano) July 24, 2023