Милан купува напаѓач од Арсенал

Италијанскиот гигант Милан е силно заинтересиран за младиот напаѓач на Арсенал, Фоларин Балогун.

Приоритет на Милан во летниот преоден рок ќе биде доведување на напаѓач, а после неуспехот да го доведе Турам сега се насочува кон други имиња.

21-годишниот младински репрезентативец на Англија минатата сезона играше на позајмица со Ремс и блесна во Лига 1.

Балогун постигна 21 гол на 37 натпревари во Лига 1, а Арсенал е спремен да го продаде ова лето.

Тој има договор со Арсенал до 2025 година, а „топџиите“ за неговата слобода бараат 35 милиони евра.

Милан испратил првична понуда од 25 милиони евра плус бонуси, па двата клуба се во напредни преговори.