Милан и Рома спремаат голема трампа

„Газета дело Спорт“ пренесува дека Рома и Милан спремаат голема трампа според која Сусо ќе заврши на „Олимпико“,  а во Милано ќе се пресели Џенгиз Ундер.

Сусо оваа сезона игра во слаба форма и Милан е спремен да го продаде, а Рома уште во летниот преоден рок беше заинтересирана за Шпанецот.

Поради тоа „волчицата“ е спремна во Милано да го испрати Џенгиз Ундер, а за возврат да го добие потписот на Сусо.

Милан е во потрага по крилен напаѓач и Ундер би бил одлична опција, па поради тоа оваа опција им одговара на двата клуба, а агентите веќе работат на размената.

Во моментов трампата ја кочи директорот на Милан, Паоло Малдини кој преферира да го донесе Матео Политано од Интер.