Милан и Интер го сакаат талентот на Њукасл

Двата милански клуба се сериозно заинтересирани за талентот на Њукасл, Метју Лонгстаф, пренесуваат италијанските медиуми.

Договорот на овој 19-годишен талент со Њукасл истекува на лето, па двата клуба се обидуваат да го донесат во своите редови како слободен агент.

Милан и Интер веќе стапиле во контакт со неговиот агент и започнале преговори, па во наредните недели Лонгстаф би можел да потпише преддоговор со еден од миланските гиганти.

Во меѓувреме Њукасл се обидува да го задржи талентот во своите редови и му нуди двојно поголема плата од актуелната.