Милан испрати понуда за ѕвездата на Лион

Милан веќе подолго време е заинтересиран за холандскиот репрезентативец Мемфис Депај и сака летово конечно да го комплетира трансферот.

Ѕвездата на Лион сака да ја промени средината, а Милан е дестинација која му се допаѓа, па „росонерите“ веќе стапиле во контакт со агентот.

Холанѓанецот игра во одлична форма, па го привлече вниманието на голем број европски гиганти. Меѓутоа, Милан е спремен да ја победи конкуренцијата.

Депај влегува во последната година од договорот, па поради тоа Лион ќе биде приморан да го продаде ова лето, а „росонерите“ веќе испратиле понуда до францускиот клуб.

Милан за потписот на Депај понудил 20 милиони евра плус процент од следната продажба, па сега се чека одговор од Лион.