Милан го отпушти и Мирабели, виси и Гатузо – направен е контакт со Конте

Новите сопственици на Милан започнаа големи промени во клубот и ќе го променат буквално цело раководство.

Пред два дена беше отпуштен генералниот директор Марко Фасоне, а денес отказ доби и спортскиот директор Масимилиано Мирабели.

Мирабели денес имаше состанок со новиот претседател Скарони и му беше соопштен отказот, а на негово место ќе биде назначен Леонардо. Како генерален директор ќе биде именуван Умберто Гандини, кој 23 години работеше како директор во Милан.

Покрај промената на целокупното раководство италијанските медиуми пренесуваат дека „виси“ местото и на тренерот Џенаро Гатузо. Имено, новото раководство веќе ги направило првите контакти со Антонио Конте.

Гатузо најверојатно нема да биде сменет веднаш, но новите сопственици сакаат да постигнат преддоговор со Конте за следната сезона.

#Gattuso e il #Milan: c’è un rapporto, c’è un contratto, ci sono stati i risultati. Ma ora la situazione può cambiare per tanti motivi. Il primo: il Milan nelle ultime ore ha telefonato a #Conte https://t.co/Snl4dlCSPu

— Alfredo Pedullà (@AlfredoPedulla) July 24, 2018