Меси призна дека му се восхитува на Роналдо

Лионел Меси во опширното интервју кое го даде за шпанските медиуми зборуваше и за спортистите на кои им се восхитува.

Еден од спортистите на кои им се восхиттува е и неговиот најголем ривал Кристиано Роналдо, како и тениските ѕвезди Надал и Федерер.

„Има многу спортисти кои се достојни за восхит. Започнувам со Надал и Федерер. Не можам, а да не го споменам и Кристиано Роналдо“, изтакна Меси.

Аргентинецот потоа проговори за можноста повторно да заигра заедно со Нејмар.

„Ќе биде тешко да се купат нови играчи, бидејќи за ова ни требаат пари, а тие ги нема во ситуацијава. Нејмар? Некако мора да му платите на ПСЖ. Ова ќе биде многу тешка задача за новиот претседател. Нејмар не рече дека ќе играме заедно, туку дека би сакал тоа се случи повторно“, истакна Меси.