Меси: Ништо не сум се договорил со ПСЖ

Меси на денешната прес-конференција едвај зборуваше и се појави во солзи – тука, а после неговото излагање следуваа прашањата од навивачите.

Нормално, поради се што се пишува новинарите го прашаа за ПСЖ.

„Во овој момент нема никаков договор, ПСЖ е можност. Имав многу повици, интерес покажаа бројни клубови, но во овој момент нема никаков договор. Се преговара“, одговори Меси.

Направиле се за да остане, но немало можност.

„И јас и претседателот направивме се за да останам. Сешто се зборуваше за мене, како дека не сакам да останам, но сакав. Минатата година не сакав и тоа го кажав, но сега сакав, меѓутоа не можев, немаше таква опција“, објасни Аргентинецот.