Мбапе прв се огласи за отказот на Тухел

Прво германските, а потоа и сите медиуми објавија дека Томас Тухел доби отказ во ПСЖ.

Францускиот првак брзо ќе именува нов тренер, но никој од ПСЖ освен Мбапе не го искоментира отказот на Тухел.

„За жал, ова е фудбалскиот закон. Никој нема да го заборави времето кое го поминавте овде. Напишавте прекрасна страница во историјата на клубот. Благодарам тренеру.“ – напиша Мбапе на Инстаграм.

Маурисио Покетино, кој веќе ги договорил условите со претседателот на Парижаните, треба да стане нов тренер на францускиот првак.

47-годишниот Тухел со ПСЖ освои две француски првенства, француски куп и Лига куп, а се пласира и во финалето на ЛШ, што е најголем успех во историјата на ПСЖ во европските натпреварувања.

Според Билд, Тухел сака да продолжи да работи во Премиер лигата, а моментално се поврзува со Арсенал.