Мбапе нема дилема каде ќе игра следната сезона

Многу навивачите на Реал Мадрид го гледаат Килијан Мбапе како нов “галактикос“, кој после ужасната сезона на Кралевите може да ги врати на врвот.

Французинот одамна е желба на Флорентино Перез, а тоа ќе остане и во наредниот период. Во изјава после победата над Монако, Мбапе рече дека ќе остане во ПСЖ и во Мадрид може да замине само како некој обожавател.

„Останувам во ПСЖ, се приклучив на тој проект. Среќен сум што Зизу се врати во Реал, но таму можам да отидам само како обожавател.“ – изјави Мбапе за Канал+.

Пред месец дена Франс Фудбал објави дека Реал Мадрид ќе понуди за Мбапе 280 милиони евра, а клуч на трансферот би можел да биде Зидан кој го посакува уште од летото 2017. година кога напаѓачот експлодираше во Монако.

Мбапе на крајот заврши во ПСЖ. Платен е 170 милиони евра, а потпиша договор до 2022. година.