Маскерано откри зошто ја напуштил Барселона

Аргентинскиот ветеран Хавиер Маскерано ја откри причината поради која ја напушти Барселона оваа зима и започна нова авантура во кинеската Суперлига.

Популарниот Аргентинец беше еден од најважните играчи во успехот на Каталонците во последните години, а сега ќе настапува за кинескиот Хебеи.

Маскерано има голема желба да се најде и на списокот на Аргентина за Мундијалот во Русија.

„Одлучив да се преселам во Кина бидејќи конечно можам да играм онаму каде што најмногу сакам, на средината на теренот“, изјави Аргентинецот.

Да потсетиме, тој во текот на кариерата во Барселона беше еден од фудбалерите кои Пеп Гвардиола ги врати во последната линијата, најмногу поради тоа што позицијата последен играч за врска беше резервирана за Серхио Бускетс.

Треба да се истакне и дека самиот селектор на Аргентина, Хорхе Сампаоли изјави би сметал на Маскерано доколку бидејќи стандарден во Кина.