Маркизио ја опиша драмата во неговиот дом: Се плашев за мене и сопругата

Поранешниот фудбалер на Јувентус, Клаудио Маркизио доживеа вистинска драма во својот дом во Торино.

Домот на Маркизио бил мета на четворица маскирани крадци кои впериле пиштоли и побарале поранешниот фудбалер и неговото семејство да им го дадат целиот накит и пари кои ги имаат во домот, тоа Маркизио и го направил.

Овој настан се случил во вторникот околу 21:30 часот кога Маркизио и сопругата се подготвувале да излезат од својот дом. Полицијата се уште трага по сторителите.

Во шок од она што се случило е и самиот Маркизио.

„Вперија пиштоли во нас, тоа беше навистина лошо искуство затоа што никогаш претходно во животот не сум бидел вистински пиштол. За среќа бевме мирни. Не прашаа каде ни е сефот, им кажав дека немаме, но не ми веруваа. Јас навистина немам сеф во домот“.

„Во тој момент земаа се што можеа. Се плашев за себе и сопругата. Му благодарам на Бог што децата во тој момент не беа дома, имаа тренинг“, изјави Маркизио за италијанските медиуми.