Марез преку Инстаграм порача дека е разочаран со својата оценка на ФИФА 20

Љубителите на видео игрите конечно го дочекаа новото издание на ФИФА 20, кое EA Sports го пушти во продажба пред неколку дена.

Од година во година оваа игра е се подобра, а EA Sports се обиде повторно да ги изненади своите корисници со некои новини кои е тешко да се направат со оглед на тоа дека во денешно време игрите изгледаат скоро совршено.

ФИФА 20 на прв поглед воодушеви, но има некои кои не се задоволни. Еден од нив е фудбалерот на Манчестер Сити, Ријад Марез, кој е незадоволен од играта поради оцеката која ја добил.

На ФИФА 19 Марез имаше вкупна оценка 85, додека на ФИФА 20 оваа оцека е 84, што го разочара Алжирецот, кој очигледно очекувал дека ќе ја зголеми со оглед на тоа дека сега е играч на Манчестер Сити.

Откако видел каква оцена добил играчот се огласи на Инстаграм и јасно порача дека не е задоволен од EA Sports.