Ман.Јунајтед – Ливерпул: Важен тест за шампионските амбиции на „ѓаволите“

Големо дерби е на програмата во англиската Премиер Лига. Двајца од најдобрите светски напаѓачи ќе се судрат на „Олд Трафорд“ во недела попладне, кога Манчестер Јунајтед е домаќин на Ливерпул.

Очекувањата од Јунајтед се далеку поголеми

ЛШ и Кристијано Роналдо – речиси и нема подобра комбинација во фудбалот. Петкратниот освојувач на „Златната топка“ буквално ги крена соиграчите за неверојатен пресврт и голема победа над Аталанта.

Сепак, колку и да беше незаборавна нивната ноќ на Олд Трафорд, патувањето на Јунајтед до Кинг Пауер минатиот викенд кај Лестер Сити беше целосна спротивност. Тие доживеаа пораз од 4:2 и немаа решение за Патсон Дака, Јури Тилеманс, Џејми Варди и Каглар Сојунчу.

Притисокот продолжува да се трупа на рамениците на Оле Гунар Солскер, за кој се вели дека засега ја задржува вербата од бордот на „црвените ѓаволи“, но со Роналдо, Санчо и Рафаел Варан очекувањата беа многу повисоки.

Со само еден бод од последните девет понудени во Премиер лигата, шестопласираниот Јунајтед има пет бода помалку од лидерот Челзи и може да падне уште подолу на табелата.

Од октомври 2019 година, Манчестер Јунајтед нема четири натпревари без победа во лигата и сега сите се насочени да не дојде до такво нешто.

Ливерпул не знае за пораз

Пред да забележи победа од 2:3 во шпанската престолнина, Ливерпул му приреди жестоко добредојде на Клаудио Раниери во Премиер лигата со победа од 0:5 против Ватфорд.

Сè уште непоразен во сите натпреварувања од почетокот на сезоната, второпласираниот Ливерпул заостанува еден бод зад лидерот Челзи пред почеокот на ова коло и е единствениот тим во првата лига без ниту еден пораз од првите осум натпревари.

Успехот во вторникот над Атлетико, исто така, го означи деветтиот натпревар по ред во кој тимот на Клоп постигна најмалку два гола – со тандемот Салах-Фирмино-Мане кој се покажа исто толку ефикасен како и пред четири години.

Понатаму, серијата на Ливерпул од 18 натпревари без пораз во лигата моментално е најдолгата во првите четири англиски дивизии, а нивниот успех и победата од 2:4 на Олд Трафорд минатиот меч го претставуваше нивниот шести премиерлигашки натпревар без пораз против Јунајтед.

Прогноза:

Двете екипи да постигнат гол @ 1.50 во Bet365