Манџукиќ: Роналдо во Јувентус? Баш ми е гајле!

Трансферот на Кристиано Роналдо од Реал Мадрид во Јувентус го разбранува фудбалскиот свет.

Додека во Шпанија жалат што заминува, во Италија едвај го чекаат да пристигне.

И доколку мислевте дека овој трансфер никого не остави рамнодушен, тука е Манџукиќ да ве демантира.

Хрватскиот напаѓач и иден соиграч на Роналдо во Јувентус го прашаа што мисли за трансферот.

„Баш ми е гајле“, кратко одговори Манџукиќ, но од разбирливи причини бидејќи е фокусиран само на големото финале на СП.

„Победата против Англија е мојот најголем успех во досегашниот дел од кариерата, до недела“, додаде Манџукиќ.