Манчестер Јунајтед ја плаќа клаузулата за аргентинската ѕвезда

Манчестер Јунајтед е одлучен во намерата да ја купи ѕвездата на Ривер Плата, Јулијан Алварез, пренесуваат медиумите на Островот.

21-годишниот напаѓач блесна во дресот на Ривер Плата и заврши како најдобар стрелец во аргентинското првенство, па е на мета на многу европски гиганти.

Алварез има договор со аргентинскиот клуб до декември следната година и не планира да го продолжи, па Ривер е спремен да го продаде.

Алварез заврши најдобар стрелец во аргентинското првенство со 17 гола и 8 асистенции, а во договорот со Ривер има откупна клаузула од 25 милиони евра.

Последните информации се дека Јунајтед постигнал договор со играчот и е спремен да ја плати откупната клаузула. Аргентинецот ќе пристигне на „Олд Трафорд“ како замена за Марсијал, кој сигурно заминува.