Манчестер Јунајтед најде нов напаѓач во Португалија

Еден од приоритетите на Манчестер Јунајтед во летниот преоден рок ќе биде доведување на нов напаѓач.

Англиските медиуми тврдат дека Солскјер има нова мета, а станува збор за напаѓачот на Бенфика, Карлос Винисиус, за кого клубот од „Олд Трафорд“ планира да издвои 35 милиони фунти ова лето.

25-годишниот напаѓач има четиригодишен договор со Бенфика и откупна клаузула од 88 милиони фунти, но португалскиот клуб е спремен да преговара.

Бразилскиот напаѓач имаше одлична сезона пред паузата, бидејќи на 33 одиграни натпревари постигна дури 20 голови.