Малдини сам има повеќе дербија од целиот тим на Милан!

Легендарниот капитен на Милан, Паоло Малдини е рекордер во италијанскиот фудбал во многу категории.

Малдини одигра 24 сезони во првиот тим на италијанскиот клуб и имаше 647 настапи во Серија А, а е рекордер и во настапите на градското дерби „Дела Мадонина“.

Непосредно пред утрешното дерби италијанските медиуми извадија интересен податок. Во моментов, цел тим на Милан вкупно има околу 50 настапи во градското дерби, а легендарниот Италијанец сам има настапено во дури 56 такви натпревари.

Потсетуваме, Малдини на последното градско дерби доби аплауз од навивачите на Интер, што е навистина голема реткост.