Малдини категоричен против идејата за Мундијал на две години

Легендата на италијанскиот фудбал и директор на Милан, Паоло Малдини е против идејата на ФИФА за Светско првенство на секои две години.

Малдини се надева дека ФИФА ќе се откаже од таа идеја, бидејќи така Мундијалот ќе ја изгуби важноста.

„Не мислам дека Светско првенство на секои две години е добра идеја. Тоа само ќе ја намали важноста на најважниот фудбалски турнир во светот и ќе стави крај на една традиција која трае со децении“, истакна Малдини.

„Како спортски човек се надевам ФИФА да го запре овој погрешен проект. За почеток, тоа ќе има негативно влијание врз физичкото и психичкото здравје на фудбалерите, како и врз иднината на националните првенства“, додаде Малдини.