Македонија го има и најдобриот играч на Европското првенство во Скопје

Плејмејкерот и капитен на македонската репрезентација Никола Јаничиќ апсолутно заслужено е прогласен за МВП на Европското јуниорско кошаркарско првенство што се одржа во Скопје на кое Македонија дојде до златото и така обезбеди пласман во „А“ дивизијата на наредниот шампионат кој ќе се игра во Србија.

Македонија покрај него во идеалниот тим има и уште еден претставник и тоа, Марко Луканоски.

Освен македонскиот двоец, во топ 5 на Европското првенство во Скопје се најдоа уште и двајца репрезентативци на Австрија, Имран Суљановиќ и Фун Шот, а идеалната петорка се комплетира со Бугаринот Александар Гаваљугов.