Македонецот Андоновски ќе ги води светските шампионки во фудбал!

Македонецот Влатко Андоновски, тренерот на НВСЛ тимот Рејн ФЦ ќе биде новиот селектор на светските шампиони во фудбал, женската репрезентација на САД.

Уште од претходно се најавуваше дека Влатко Андоновски е помеѓу кандидатите за преземање на американската женска репрезентација која е актуелен светски шампион во фудбал.

Како што пренесува „Спортс Илустрејтед“, Македонецот е подготвен да биде промовиран како нов селектор в понеделник во Њујорк.

Македонсецот ги предводеше Канзас Сити до две лигашки титули во 2014 и 2015 пред тимот да престане да функционира и да се пресели во Рејн ФЦ.

Во Рејн, тој е тренер на ѕвездата на американскиот фудбал, Меган Рапино, која вели дека тој е вистински човек за оваа позиција.

„Најдобрата работа за него е тактичката флексибилност и разбирањето на фудбалот. Не се обидува да игра само еден стил и не е тврдоглав. Сака да победува и знае да постави тактика“, вели Рапино.

Се очекува своите први натпревари како селектор на Американките да ги има во ноември против Шведска и Костарика.

Sports Illustrated: Vlatko Andonovski is set to be presented as the new USWNT coach on Monday in New York City. Story: https://t.co/vvFoBRX84X

— Grant Wahl (@GrantWahl) October 24, 2019