Луис Енрике: ВАР е најдоброто нешто што му се случило на фудбалот!

Селекторот на Шпанија, Луис Енрике смета дека воведувањето на системот за видеонадзор е најдоброто нешто што му се случило на фудбалот.

ВАР системот беше воведен и на Мундијалот, а од оваа сезона се применува и во шпанската Примера, па готово сите големи првенства во Европа веќе го воведоа овој систем.

„Воведувањето на ВАР е фантастична идеја, многу ми се допаѓа. Ми се допаѓа идејата да се гледаат спорните ситуации на екран. Мислам дека сите ќе имаат полза од ова, бидејќи бројот на судиските грешки ќе биде значитечно намален. Според мене ВАР системот е најдоброто нешто што му се случило на фудбалот“, изјави Луис Енрике.

Луис Енрике ја презеде шпанската репрезентација од јули оваа година и потпиша двегодишен договор со Федерацијата.