Лотито: Милинковиќ-Савиќ не е на продажба, одбив 140 милиони

Иднината на Сергеј Милинковиќ-Савиќ е главна тема на Апенините бидејќи ова лето најверојатно ќе го напушти Лацио.

СМС игра уште една фантастична сезона и иако има договор со Лацио до 2024 година, сепак го известил раководството дека сака трансфер и да направи чекор напред во кариерата.

Меѓутоа, Лацио нема лесно да се откаже од својата ѕвезда, а претседателот Лотито откри дека во минатото одбил 140 милиони евра.

„Милинковиќ не е на продажба. Пред неколку години одбив понуда од 140 милиони евра за него. Би го прашал Сегеј што сака само во случај да добиеме значајна понуда од најголемите клубови од светска класа“,изјави Лотито.

Интерес за него покажуваат Манчестер Јунајтед, ПСЖ и Јувентус, а медиумите во Италија пренесуваат дека Лацио ќе се согласи да го пушти за сума помеѓу 70 и 80 милиони евра.

Селекторот на српската репрезентација, Драган Стојковиќ-Пикси го советува Сергеј да се пресели во Јувентус и да игра заедно со Влаховиќ.