Претседателот на Лацио, Клаудио Лотито е лут на одлуката на здравствените власти во Италија, кои се уште не им дозволуваат на клубовите да продолжат со редовните тренинзи.
Зошто проблемот со улични кучиња СÈ УШТЕ постои? | Уште еден поткаст
Лотито го нападна „нелогичниот“ декрет на италијанската влада околу забраната за пристап до тренинг-центрите, потенцирајќи дека фудбалерите тренираат во парк и покрај море.
Одлуката на владата беше критикувана од повеќе фудбалери, тренери и клубови, бидејќи обичните граѓани ќе можат да трчаат на отворено од 4 мај, додека професионалните спортисти ќе мораат да почекаат до 18 мај за да влезат во тренинг-центрите на своите клубови.
„Знаеме дека овој корона вирус нема да исчезне бргу и ќе мораме да се навикнеме да живееме со него. Важно е да се сфати дека и фудбалот има своја улога во општеството. Ако не продолжи ќе имаме сериозна штета која ќе вреди стотина милиони. Владиниот декрет е нелогичен. Некој кој се натпреварува во индивидуален спорт ќе може да тренира, а фудбалерите не. На крајот ќе ги гледаме Чиро Имобиле и Един Џеко како џогираат во парк или Лоренцо Инсиње како трча на кејот покрај море во Неапол. Апсурдно!“, истакна Лотито.
Учество во игри на среќа е дозволено за лица со 18+ години. Играј одговорно!