Лопетеги: Тренерот е секогаш виновен за лошото, никогаш за доброто!

Тренерот на Реал Мадрид, Јулен Лопетеги тврди дека нема место за паника после серијата на лоши резултати и повика на смиреност.

„Кралевите“ загубија од ЦСКА Москва во Лигата на шампиони, а претходно освоија само еден бод во последните два меча во Примера.

„Тимот е погоден од повреди на важни фудбалери, како Марсело, Иско, Карвахал. Тоа се нормални работи, но тешко е кога немаш во тимот четворица важни фудбалери“, изјави Лопетеги пред мечот со Алавес.

„Ова е Реал Мадрид и треба да ги примиме критиките како нешто нормално. Пред десет дена се беше различно, а сега е црно. Нашите амбиции остануваат исти- да ги освоиме сити трофеи. Тренерот е секогаш виновен за лошото, а за убавото никогаш. Јас го примам тоа како нешто нормално“, додаде Лопетеги.

?? Esta ha sido la primera respuesta de Julen Lopetegui en la rueda de prensa previa al partido de mañana frente al @Alaves. #RMTV pic.twitter.com/RtKp1rHb9L

— Real Madrid C.F. (@realmadrid) October 5, 2018