Лопетеги го откри наследникот на Роналдо

Новиот тренер на Реал Мадрид, Лопетеги ќе има сериозна задача да пронајде замена за Кристиано Роналдо, кој ова лето потпиша за Јувентус.

Реал од тој момент уште поинтензивно почна да се поврзува со Азар и уште некои фудбалери, но изледа дека „новиот Роналдо“ веќе живее во Мадрид. Барем така може да заклучи Лопетеги, кој дава голема надеж во Бејл.

„Кристиано Роналдо си замина, еве прилика за Герет Бејл да се докаже на неговата позиција. Тој е среќен што игра за Реал и свесен е дека е тешко да се надомеси заминувањето на еден од најдобрите играчи на Реал во историјата на клубот. Меѓутоа, тој има големи квалитети и не сомневаме во него“, изјави Лопетеги.

Герет Бејл во Реал Мадрид пристигна во 2013. година од Тотенхем за 87 милиони фунти, а еден од подобрите натпревари го одигра во последното финале во Лигата на Шампионите кога влезе во игра и постигна два гола.