Скијачката федерација на САД идната недела ќе поднесе официјално барање до Меѓународната скијачка федерација (ФИС) за да ѝ биде овозможено на Линдзи Вон да настапи во спуст во машка конкуренција.
Доколку барањето биде прифатено, Вон, најтрофејната скијачка во американската историја, ќе настапи последниот викенд во ноември на машкиот спуст во канадскиот Лејк Луис.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
ФИС пред пет години го одби барањето на Вон со образложение дека според правилникот не се дозволени мешани трки. Неодамна директорот на женските трки во ФИС, Атле Скардал, изјави дека „би било тешко да се организира таков предизвик“.
„Значи доколку на жените им биде дозволено да се натпреваруваат со мажите, тогаш ќе треба да им биде дозволено и на мажите да се натпреваруваат со жените, а јас не сум сигурен дека тоа е правецот во кој треба да се движиме“, изјави Скардал.
Линдзи Вон е вистинска легенда на женското скијање и е една од шесте скијачки кои во кариерата победиле во сите пет дисциплини во алпско скијање.
Учество во игри на среќа е дозволено за лица со 18+ години. Играј одговорно!