Ливерпул во Италија ја најде замената за Вајналдум

Познато е дека Вајналдум е на излезните врати од Ливерпул, па Клоп веќе ја започна потрагата по негова замена.

Англиските медиуми информираат дека првата желба на Клоп е ѕвездата на Удинезе, Родриго де Паул.

Овој 26 годишен фудбалер игра одлично во дресот на Удинезе. Веќе четири години е еден од најдобрите играчи за врска во Серија А и изгледа дојде време за голем трансфер.

За него веќе подолго време интерес покажуваат италијанските гиганти Јувентус и Интер, а сега во трката за потписот се вклучи и Ливерпул.

Удинезе за неговата слобода бара 40 милиони евра, а Ливерпул е спремен на лето да ја плати таа сума.