Летонија го објави списокот за натпреварот против Македонија.

Селекторот на Летонија Паоло Николато го објави списокот од 24 фудбалери на кои ќе смета за време на октомврискиот прозорец и натпреварите во Лигата на Нации.

Летонија на 10 октомври ќе биде домаќин на Македонија додека четири дена подоцна ќе се соочи и со Фарски Острови.

Летонците на списокот имаат 16 фудбалери од домашното првенство и осум кои играат во странски екипи.

Македонија на табелата во групата по две одиграни кола е лидер со четири бода пред Ерменија и Летонија кои имаат по три, додека селекцијата на Фарски Острови освои само еден бод.

Во текот на вчерашниот ден списокот за овој октомврски циклус го објави и македонскиот селектор, Благоја Милевски (ТУКА).