Лестер се засилува со играчи на Милан и Јувентус

Премиерлигашот Лестер сака да се засили во зимскиот преоден рок со играчи на италијанските гиганти Милан и Јувентус.

Имено, на радарот на „лисиците“ се дефанзивецот на „старата дама“ Даниеле Ругани и играчот за врска на Милан, Хакан Чалханоглу.

Ругани оваа сезона добива многу мала минутажа и е спремен да ја промени средината во зимскиот преоден рок, а таквата ситуација сака да ја искористи Лестер.

Лестер на сличен начин одработи и со Сојунчу кој го донесе една година пред да го продаде Мегваер, а сега веројатно ќе заработи големи пари на неговата продажба, а негова замена би требало да биде токму Даниеле Ругани.

Роџерс сака да го засили и средниот ред, а прва желба е Чалханоглу. Милан е спремен да го продаде турскиот репрезентативец за 20 милиони евра, па се очекува наскоро да започнат преговорите.