Левски спремен да плати 100.000 евра за Бабунски!

Доријан Бабунски има зад себе одлична година во дресот на Ботев Враца, а од почетокот на сезоната е еден од најдобрите стрелци во бугарското првенство.

Таквите настапи на Бабунски беа причина за интерес од поголемите клубови кај нашиот источен сосед. Левски од поодамна се поврзува со македонскиот напаѓач, потоа во игра влезе и ЦСКА Софија. Сега бугарските медиуми пишуваат дека Левски е спремен да испрати понуда од 100.000 евра за услугите на Бабунски.

Се шпекулираше дека тоа е сума која би ги задоволила апетите на Ботев, па останува да се видиме како ќе се одвива ситуацијата. Покрај клубовите од Бугарија за Бабунски постои интерес и од клубови од други држави.