Официјално: Бабунски потпиша за Грасхоперс

Македонскиот репрезентативец Доријан Бабунски го напушти Дебрецин и кариерата ќе ја продолжи во Грасхоперс.

Грасхоперс ќе плати 550.000 евра во готово плус 150.000 за бонуси, а Бабунски потпишал двегодишен договор со опција да ја продолжи соработката на уште една сезона.

Бабунски играше стандардно за Дебрецин и во минатата сезона постигна 13 гола на 30 натпревари.

„Со Доријан очекуваме уште едно подобрување на нашите офанзивни способности. Неговите квалитети го прават идеално засилување за тимот“, изјавија од клубот.