Мика Муринен доби голем комплимент од Пени Хардавеј: младиот кошаркар има потенцијал да биде избран прв на НБА-драфтот. Тренерот на Мемфис особено ги истакна неговите физички предиспозиции, движењето и активноста на теренот, а направи и споредба со две големи НБА-ѕвезди.
Според Хардавеј, Муринен покажал што може и во дуел со седуммина или осуммина професионални кошаркари. Најсилен впечаток му оставиле долгите раце и просторот што може да го покрие, поради што во неговата игра препознал елементи што потсетуваат на Виктор Вембањама и Јанис Адетокумбо.
„Мика би можел да биде прв пик на НБА-драфтот“, порача Хардавеј, кој не го криеше воодушевувањето од неговиот настап.
Следното поглавје за Муринен е сезоната 2026/27 во Арканзас, каде што ќе работи под водство на Џон Калипари. Токму искуството на овој тренер со развојот на идни НБА-играчи ѝ дава дополнителна тежина на приказната за неговиот потенцијал.
Калипари во кариерата испратил 65 кошаркари во НБА, а четворица од нив биле избрани од првата позиција на драфтот: Дерик Роуз, Џон Вол, Ентони Дејвис и Карл-Ентони Таунс. Хардавеј верува дека Муринен има квалитет да стане петтото име во тоа друштво.
Низ работата со Калипари минале и Шеј Гилџус-Александер, Девин Букер, Бем Адебајо, Џамал Мареј и Тајрис Макси. Пред Муринен допрва е сезоната во Арканзас, но оценката од Хардавеј веќе поставува високи очекувања за неговиот развој.
Фото: Telegraf
Учество во игри на среќа е дозволено за лица со 18+ години. Играј одговорно!