Лампард како тренер: Лудо деби со пресврт и гол во последните секунди за победа! (видео)

Легендaрниот фудбалер оствари победа на своето деби и тоа не било каква.

Френк Лампард сигурно не можеше да замисли по луд почеток на тренерската кариера откако на клупата на Дерби Каунти стартуваше со победа над Рединг на гостински терен со 2:1.

Првиот дел заврши без погодоци, а во второто видовме три.

Не започна добро за тимот на Френк, домаќинот стигна до предност во 52 минута кога стрелец беше Бодварсон.

Сепак, осум минути подоцна следуваше изедначување откако Маунт го матираше противничкиот голман.

Вистинска лудница следуваше во 94 минута кога Лоренс погоди за големо славје и дебитантска победа на легендарниот фудбалер на Челзи.