Куман: Тешко дека ќе ја освoиме титулата

Tренерот на Барселона, Роналд Куман смета дека неговиот тим заслужил повеќе во ремито против Еибар.

Дуелот на „Камп Ноу“ заврши со резултат 1:1. Еибар поведе со голот на Кике, а Дембеле донесе бод на Барселона. На самиот почеток на натпреварот Брајтвајт промаши пенал за домаќините.

„Заслуживме да победиме, направивме се што требаше. Тие имаа само еден удар во рамките од голот…Ние создававме шанси, не искористивме и пенал, а потоа направивме грешка во одбраната. Ова ни се случило и претходно, имавме прилики, но не ги претворивме во голови“.

„Игравме со млади играчи, имаше пет-шест. Но имаше искусни играчи ,ни недостасуваше Лео кој прави разлика и понатаму се прашувам како не победивме“, изјави Куман.

Барса годината ќе ја заврши на шестата позиција и Куман признава дека ќе биде тешко да дојдат до титулата.

„Ако зборуваме за титулата, реално тешко дека ќе дојдеме до неа. Ништо не е невозможно, меѓутоа свесни сме за разликата. Атлетико е многу добар тим и примија многу малку голови“, заклучи Куман.